KNI A/S Neriuffimmut 141.686 koruuninik tunissuteqarpoq

KNI-mi sulisut aningaasanik katersiuiniaramik DKK 41.686,-nik katersisimapput KNI A/S-ilu suliffeqarfittut DKK 100.000,-nik nappaassuup kræftip akiorneqarneranut tunissutigai. Checkersuit taakku marluk tallimanngornermi 8. november 2019 Nuummi GU-p inersuanit KNR TV-iikkut toqqaannartumik aallakaatinneqartumi katersuiniarnersuarmi tunniunneqarput KNI-p siulittaasuanit Lars Borris Pedersen-imit pisortaanermillu Peter Grønvold Samuelsen-imit, Neriuffinniit aallakaatitsisuniillu nuannaarutigineqaqisumik.

”Arlaannarpulluunniit pinnani, tamavittali, toqqaannartumik toqqaannanngitsumilluunniit nappaassuarmit kræftimit eqqorneqartarpugut. Kræftersuaq inuiaqatigiinni nappaataavoq ajugaaffigisariaqagarput. Qularutiginngilara ulloq takkukkumaartoq kræfti toqussutaasarunnaarsimasoq. Neriuffiit suliniarnerat tapersersortuartariaqarparput, ilisimasat annertusarneqarneri aqqutigalugit nappaassuarmit eqqorneqarsimasut peqqissarneqartarneri oqilisaanneqartarnerilu suliniutigiuarneqarmata. KNI-mi sulisut tapersersueqataanerat maluginiarneqartarpoq, qujanarujussuaq tulluusimaarnaqaasi.” taama oqarpoq pisortaaneq Peter Grønvold Samuelsen.