KNI A/S nutaamik sulisoqarnermut pisortartaarpoq

KNI A/S-ip 1. juli 2016 atuutilersumik Mikol Heilmann sulisoqarnermut pisortatut atorfinitsippaa.

Mikol Heilmann april 2015-miilli HRD manager-itut (sulisoqarnikkut ineriartortitsinermi pisortatut) atorfeqarsimavoq. Taanna sioqqullugu Polaroil-imi ineriartortitsinermi siunnersortitut atorfeqarsimavoq, 20. oktober 2003-miilli Polaroil-imi assigiinngitsutigut suliffigisimasamini.

Mikol Heilmann KNI-p iluani ukiuni 13-ni sulisimanermigut KNI-p iluani pissutsinik sulisoqarnerullu tungaatigut pisariaqartitsinikkut ilisimasaqaleriartorsimavoq, atorfinni assigiinngitsuni sulisimanermigut namminerlu ingerlaavartumik piginnaanngorsartuarnermigut, akisussaaffimmik anginerusumik maanna tigusissalluni piareersimalluni. Aasaq kingulleq akademi uddannelse ukiuni pingasuni sivisussusilik naammassivaa.

Mikol Heilmann aamma KNI A/S-ip siulersuisuini sulisut qinigaattut ilaasortaavoq.