Suliffeqarfissuup KNI-ip oqaluttuarisaanerani angusat pitsaanerpaat ilaat anguneqarpoq

Ukioq naatsorsuiffiusoq 2015/16 KNI-p niuernermik ingerlatsinermi ineriartortitsinermini naammaginartumik KNI A/S kingumut angusaqaqqippoq. Akileraarutit suli ilanngaatigineqannginneranni 101 mio. DKK-nik sinneqartoornermigut ineriartorneq pitsaasoq 2013/2014-mi aallartinneqartoq allanngortinnagu suliffeqarfissuup taamaasilluni ingerlateqqippaa. Pingaartumik nioqquteqarnermik ingerlatsivik ukiup siulianut sanilliullugu angusaminik assut pitsanngortitsivoq.

Ukiumut angusat

Ukioq naatsorsuiffiusoq 2015/16 aammaartumik nutaanik pissanganartunik unamminartunillu suliaqarfiuvoq,  periusissiornermi "KNI 2016-ip tungaanut"-mi immikkoortut amerlasuut KNI-p ullumikkut ingerlanneqarnerani atuutsinneqalersimallutik. Angusassamik siunnerfeqartumik aningaasartuutinik aqutsineq pisortat  ingerlatiinnarpaat, taamaalilluni aningaasartuutit ukiup naatsorsuiffiusup siulianut sanilliullugit  amerlanerusimanatik.

KNI-p nutaaliaanerusumik ingerlanneqarnissaani ilungersuutiginninnermi nioqquteqarluni ingerlatsivik tunngaviulluinnarsimavoq. Nioqquteqarluni ingerlatsivik maanna ajorisassaanngitsumik sinneqartoorpoq, tamatumunnga ilaatigut patsisaallutik nassiussugalerinerup, nioqqutit assigiinngitsut aqunneqarnerisa kiisalu suliffeqarfimmi qaffasinnerusumik piginnaaneqartoqarnissaata pitsaanerusumik ukkanneqarnerat. Suliffeqarfiup nioqquteqarnermi ingerlatsiviani ingerlatat 34 mio. DKK-nik sinneqartoorfiusumik naammassineqarput, ukiup naatsorsuiffiusup siuliani sinne-qartoorutit 22 mio. DKK-usut.

Polaroilimi, ikummatissaqarnermut immikkoortortaqarfimmi, angusat 64,1 mio. DKK-inik sinneqartoorfiupput, ukiup naatsorsuiffiusup siuliani 61,5 mio. DKK-iusimallutik.

Akileraarutit ilanngaatigereerlugit angusat 68 mio. DKK-unerisigut, namminerlu aningaasaatit 787 mio. DKK-usinerisigut, naqissuserneqarpoq KNI suliffeqarfissuusoq aningaasatigut inissisimalluartoq.

Iluarsaassinissami aserfallatsaalinissamilu kinguaattoorutit

Nioqquteqarnermik ingerlatsiviup maanna illuutit 400-nik sinneqartut, tassaasullu pisiniarfiit quersuillu illutai, pigisarai. Taakkunannga amerlasuut nungullarsimapput pisiniarfinnik quinillu ingerlatsinermi ullutsinnut naleqqukkunnaarsimallutik. Illuutit iluarsaanneqarnissaat annertuumik kinguaattoorfiuvoq, iluarsaassinissarlu 300 mio. DKK-nik naleqarpoq.

Ukiuni arlariiaani ikummatissanik imerpalasunik nioqquteqarnermi ingerlatsivimmi iluarsaassassat kinguaattoorutit ikilisarniarlugit suliarineqarlutik ingerlanneqareersut ilanngukkaanni  suliffeqarfissuup aserfallatsaaliinermini nutaanillu sanaartornermi aningaasarpassuit suli aningaasaliissutigisarpai. Ukiumi naatsorsuiffimmi 2015/16-imi 75 mio. DKK-nik aningaasaliisoqarpoq. Ukiuni naatsorsuiffiusuni aggersuni ukiumut 120 mio. DKK aningaasaliissutigineqartarnissaat naatsorsuutigineqarpoq.

Piginnittunut akiliutissat akileraarutillu

KNI-p piginnittuinut, Namminersorlutik Oqartussanut, isumaqatigiissut tunngavigalugu ukiumi angusanit 20 mio. DKK-it piginnittunut akiliutigineqartussatut immikkoortinneqarsimapput.

Taakku saniatigut KNI-p ukiumi naatsorsuiffiusumi 2015/16-imi akilerpai sulisut akileraarutaat 72 mio. DKK-it kiisalu suliffeqarfittut  akileraarutit 12 mio. DKK-it.

Taqqissuut – KNI- ilinniartitseqqinnermi pilersaarutaa

Ukiumi naatsorsuiffiusumi CSR aqqutigalugu ingerlatat assigiinngitsut annertuumik ukkatariuar-sinnarpai – tassunga ilaalluni Nunatsinni suliffeqarfiunerup immini pisussaaffiliinera – taamaa-silluni inuiaqatigiit ineriartornerannut peqataanissaq siunertaralugu.

Ukiup naatsorsuiffiusup 2015/16-ip naalernerani KNI 918-inik sulisoqarpoq, ukioq kaajallallugu suliffiit 747-t nalingi. Taamaalilluni KNI Nunatsinni suliffeqarfinni amerlanerpaanik sulisoqartut  suli ilagaat. Suliffeqarfissuup ukiumi naatsorsuiffiusumi matumani suliffeqarfimmi sulisunut tamanut atuuttumik ilinniartitsinissamik piginnaasanillu qaffassaanermik pilersaarut "Taqqissuut" nangillugu ingerlateqqippaa. Tassunga tunngasumik  suliniutit ilagaat niuertunngorniarnermik nutaamik aallartitsineq.

KNI A/S ullumikkut 56-inik ilinniartuuteqarpoq. Ilinniartut taakku ilarpaalui aasap ingerlanerani ilinniarnerminnik naammassinnittussaapput, ilinniartullu allat nutaat piffissami qaninnermi ilin-niartunngorumaarlutik. Pisiniarfimmiunngorniarlutik ilinniartut naammassigunik ilarpaalui KNI A/S-imi suliinnassapput. 

Sulisunut, pisisartunut suleqatinullu qujanaq

Siulersuisut aqutsisullu KNI-mi sulisut tamarluinnaasa, suleqatigisat minnerunngitsumillu pisiniartartugut qutsavigerusuppaat, KNI-p ineriartorneranut pitsaasumut tunngavisseeqataammata.

Peter Grønvold Samuelsen
Pisortaaneq, KNI A/S 

29. juni 2016 

___________________________________ 

• KNI A/S-imi ukioq naatsorsuiffiusoq tassaavoq 1. april – 31. marts.
• KNI A/S ileqquusumik ataatsimeersuassaaq ull. 18. august 20162016.