KNI A/S-imiit Taseralimmut tunissut

Kulturikkut illorsuupTaseraliup ukiut qulinngortorsiornerani KNI A/S aningaasanik 25.000 koruuninik tunissuteqarpoq.

1. marts 2018 Kulturikkut illorsuaq Taseralik ukiunik qulinngortorsiorpoq. Ullormi tassani KNI A/S aalajangerpoq Taseralik aningaasanik tunissuteqarfigineqassasoq.

Taseralik assigiinngitsorpassuartigut susassaqartitsisarnermigut aaqqissuussaqartarnermigullu Sisimiuni Nunattalu sinnerani ullutsinni kulturikkut ingerlariaasitsinnik tapertaalluinnarpoq ataavartitsisuullunilu.

- Kulturikkullu illorsuup aamma Sisimiut illoqarfittut pilerinarnerulersippaa - uani eqqarsaatigaakka eqqumiitsuliornermik saqqummersitsinerit, tusarnaartitsinerit qanilaartut, isiginnaartitsisarnerit, filmimik isiginnaarsinnaaneq neriniartarfillu. KNI-p tungaaninngaanniit oqaatigiineqarsinnaavoq Taseralik sulisoqarniarnitsinnut sulisullu paariinnarniarnerannut pitsaasumik sunniuteqartoq. Tamannalu pillugu Taseralik qutsavigerusuppara, KNI A/S-ip pisortaanera Peter Grønvold Samuelsen Taseralimmut taama oqarpoq.

Inuiaqatigiit kultureqanngitsut inuiaqatigiiupput kinaassuseqanngitsut. Eqqumiitsuliaatigut, nipilersugaatigut oqaluttuarisaanittalu kinaassusinitsippaatigut ullumikkullu inissisimanitsinnut tunngaviliisuullutik.

- Inuiaqatigiinni nutaaliorsinnaaneq sikkertarpoq qulaani taaneqartut samminissaanut periarfissaqaraangatta. Ilaatigut tamanna takuarput mitaarfimmi meeqqat inersimasullu alutornarluinnarlutik nassaarsiullaqqeqalutillu Taseralimmut mitaariarrammata.

Sisimiuni meeqqat, inersimasut utoqqaanerusullu ataatsimoorlutik eqqumiitsuliornerit, isiginnaartitsinerit, ilaatigut nipilersornermi scene tamanut ammasoq aamma Arctic Sounds, filmertarfik, neriniartarfik allarpassuarnillu sammisaqaqatigiissinnaanerannut Taseralimmut qu-jassutissaqarpugut, Peter Grønvold Samuelsen naggasiivoq.

Ullorsiornermi ilaatigut Aka Høegh-ip saqqummersitsiffigisaani Nunatta Isiginnaartitsisarfiatalu isiginnaagassiamik taaguuteqartumik ´Akunnerit´isiginnaartitseqqaarneranni, KNI A/S-p pisortaanera Taseralimmi aaqqissuussisoqarnerani peqataanermini tunissummik tunisisuuvoq.