Frederik Petersen Rulleski-nik DM-mi nr. 5-inngorpoq

Sapaammi 30. september 2018 Danmarkimi Rulleski-nik pissartanngorniuttoqarpoq.

Unammiffigineqartoq isorartussuseqarpoq 45,2 km-inik. Tassani Frederik Petersen Ilulissaneersoq nr. 5-inngorpoq, piffissami 1:36:41. Frederiup nammineq angusani naammagisimaarpaa. Eqqarsaatigissuarput Nunatsinni rulleski-it suli atungaavallaanngillat unammissutaanerlu ajorlutik.

KNI A/S Frederik Petersen aningaasatigut tapersersugaasa ilagaat, timersortartoq siunnerfeqarluni sungiusartuartoq, KNI-p ilisarnaataanik tulluusimaarnartitsilluni atuisoq.

Frederiup oqaluttuaraa unammillikkani sukkanerit assut atortorissaarsimasut, soorlu assakaasui pitsaanerujussuarnik kuglelejereqartut, tamannalu ammukajaakkut sisunermi takuneqarluarsinnaasimavoq.

Frederik Petersen pilluakutsoorit.