Aqutsisunngorniartut siulliit naammassipput

Naammassisut aqqi (Sisimuni najuuttut): Majaq Heilmann, Sikkersoq Møller, Dorthea Isaksen, Najaaraq Thorin Lange, Nanna Lynge Lennert & Nuka Kristiansen

 

KNI-mi ilinniartitaaneq nutaaq, Aqutsisunngorniarneq, siorna novembarimi aallartinneqarpoq, tassanilu KNI-mi sulisut 13-it peqataapput.

Ilinniartitaneq moduulinik pingasunik agguarneqarsimasoq ullumi 31. august naammassineqarpoq, ilinniartullu allagartassatik tiguaat.

Aqutsisunngorniarniarneq Mindbix aamma Visiobox peqatigalugit ilinniartitsissutigineqarpoq, coronalu pissutigalugu sinerissami ilinniartussat, pikkorissartussat allatullu naapittussat pisinnaanngimmata Tems atussallugu KNI-mi inerisarneqarpoq, taamaalillutik ilinniartitsisut ilinniartullu ilaat Teamsikkut peqataasinnaallutik.

Taakku allagartartaarnermi Teamsikkut aamma najuupput.

Teams tassa ilinniartut ilinniartitsisullu tamarmik Kiffartuussivimmiinngikkaluarlutik videokkut immikkut isigalutik attaveqatigiiffigisinnaasaat.

KNI-mi pisortaaneq Peter Grønvold Samuelsen oqalugiarnermini ilaatigut ima oqarpoq:
- Aqutsisunngornissinni pilluaritsi, tulluusimaarnaqaasi tulluusimaarutissaqarpusilu. Sulisut aqutsisullu piginnaaneqarluartut pisariaqartippagut, ilissiuvorlu KNI-p siunissaanut pitsaasumik aqqutissiueqataasussat.
Aqutsisunngorniarneq ilinniartitaaneruvoq sulisunik aqutsilluarsinnaanermik siunertalik, tassani assersuutigalugu sulisut nukittuffiisa eqqumaffiginissaat suliffeqarfiullu immikkoortortallu kulturia qanoq ineriartortinneqassanersoq ilaatigut ilinniartitsissutigineqarput.

KNI-mi Taqqissuut – tassa sulisut piginnaasaasa qaffassarneranni taaguutaasoq, ilinniartitsinerit pikkorissarnerillu tamarmik tassaniipput - ataani ilinniartitaaneq nutaaq, Aqutsisunngorniarneq, ilinniartitaanerit allat, Niuertunngorniarneq Ikummatissaasivilerisunngorniarlu, assigalugit ukiut tamaasa pisartussaavoq.

aqutsisunngortut-aug-2020-630px-26.jpg
Teamsikkut aamma najuupput: Thomas Kristoffersen, Kuuna Lange, Ane Broberg, Henriette Josefsen, Ulla Lundblad, Aviaja Ikila Abelsen (ilinniartitsisullu) kiisalu Gerth Jack Storer, angalalluni najuutinngitsoq.

aqutsisunngortut-aug-2020-630px-4.jpg

 

Tamassi pilluangaaritsi :)

 

KNI A/S • J.M. Jensenip Aqq. 2 • 3911 Sisimiut
T +299 86 24 44 • E info@kni.gl