Dansk
English
KalaallisutAningaasartuutinik aqutsilluarneq KNI-p aningaasaqarnera nukittorsarpaa
Ukioq naatsorsuuteqarfiusoq 2019/20 KNI-mut aningaasaqarnikkut patajaallisaanermut atorneqaqqippoq, suliffigissaanermut, pisisartunillu qitiutitsinissamik ”kalaallit inuunerannik ilorlermik” pingaartitsillunilu ataqqinninnermik tunngaveqartumik suliffeqarfimmik ingerlatsinisssamik pingaartitsiffiulluni.
KNI A/S akileraarutit suli ilanngaatigineqannginneranni DKK 113,3 mio.-nik sinneqartoornermigut siornatut amerlatigingajattunik sinneqartoorpoq. Ukiuni kingullerni KNI angusaqarluartarnerinut naapertuuttumik pitsaassusilimmik.
Ukiumoortumik angusaq
Ukioq naatsorsuuteqarfiusoq kingumut KNI-mut aningaasaqarnikkut patajaallisaanermut atorneqaqqippoq, suliffigissaanermut, pisisartunillu qitiutitsinissamik ”kalaallit inuunerannik ilorlermik” pingaartitsillunilu ataqqinninnermik tunngaveqartumik suliffeqarfimmik ingerlatsinisssamik pingaartitsiffiulluni.
Akileraarut ilanngaatigereerlugu angusat DKK 76,1 mio.-iupput. Nammineq aningaasaatit (egenkapital) DKK 1.139,2 mio.-niupput. Taamaalilluni naqissuserneqarpoq KNI suliffeqarfissuusoq aningaasatigut patajaatsumik inissisimasoq.
Sanaartukkat
Suliffeqarfissuup aningaasarsissaarnissaa pingaaruteqarluinnarpoq sanaartukkat pisoqalisut aserfallatsaaliortuarneqarnissaannut akissaqassagaanni; tamannalu Pilersuisoq Polaroil-iluunniit eqqarsaatigalugit atuuppoq.
Aserfallatsaaliuineq kisiat aningaasalersorneqartussaanngilaq, aammattaarli nutaaliorneq akissaqartinneqartariaqarluni. Ukiumi qaangiuttumi DKK 142 mio.-it sanaartornermut atorneqarsimapput. Ukiuni aggersuni ukiumut DKK 150 mio.-it sanaartornermut atorneqarnissaat naatsorsuutigineqarpoq.
Piginnittut sinneqartoorutisiaat akileraarutillu
KNI-p piginnittui – Namminersorlutik Oqartussat – isumaqatigiissuteqarfigalugit sinneqartoorutit ilaat DKK 20 mio.-it piginnittunut sinneqartooruteqarnersiutisiassatut immikkoortinneqarput.
Ukiumi naatsorsuuteqarfiusumi 2019/20-mi KNI-mi sulisut akileraarutaat DKK 85 mio.-it pisortat karsiinut utertinneqarput, kiisalu selskabsskat DKK 24,5 mio.-it akilerneqarlutik.
Taamaalilluni KNI A/S DKK 129,5 mio.-nik inuiaqatigiinnut utertitsivoq sinneqartoorutisiat akileraarutillu eqqarsaatigalugit.
Nunatta karsianit KNI-p nioqqutissanik pilersuineranut akiliut ukioq kingulleq DKK 18 mio.-iusimapput, tassa ukiut pingasut matuma siorna akiliutaasimasumit affaannarmik angissuseqalersimalluni.
Nioqqutissanik neqeroorusiorneq
Pilersuisup niuertarfiini nioqqutissat aalajangersimasut sapaatip akunnikkuutaartumik 2019/20-ip ingerlanerani immikkut neqeroorusiortarnikkut apparneqartarput pisisartunut DKK 10 mio.-nik nalilimmik, soorlu aamma ukiup siuliani 2018/19 taamatut pisoqarsimasoq.
Sulisunut, pisisartunut suleqatinullu qujanaq
Siulersuisut ulluinnarnilu aqutsisut suliffeqarfissuup sulisui pikkorissut piumassuseqarluartullu tamakkerlugit qutsavigaat angusarissaarnermut, taamatuttaarlu suliffeqarfiit suleqatigisat, minnerunngitsumillu pisiniartartuvut qujanarsuaq.
Annerusumik paasisaqarusukkaanni pisortaaneq Peter Grønvold Samuelsen attavigineqarsinnaavoq, mobil +299 55 37 03.
- KNI A/S ukiumoortumik naatsorsuusiortarpoq, piffissami 1. april – 31. marts.
- KNI A/S ileqquusumik ataatsimeersuassaaq, 12. august 2020.
