KNI KR. 500.000-nik tassaarsuarmit Nuugaatsiarmiunut Illorsuarmiunullu eqqugaasunut tapiissuteqarpoq.  

KNI nammineq KR. 250.000,-nik aningaasaliivoq, sinnerilu KNI-p pisiniartarfiisa suleqataasalu ikiuiniarnermut tapiissutigivaat, nioqqutissat (ilaatigut ningittakkat qimminullu nerukkaatissat) aningaasallu katillugit kr. 272.500,-nik nalillit; ilaatigut Savalimmiormiut ikummatissaleriviat MAGN kr. 100.000,-nik tapiissuteqarluni. Katillugit kr. 522.500.

Nuugaatsiap eqqaani qaqqap nakkaaneranit tassaarsuup Nuugaatsiamik aserortitererujussuarnermi saniatigut inuit sisamat inuunerinik naleqartup malitsigisaanik ilaqutariit nunaqqataasullu eqqugaasut qamanngavik misiginneqatigivagut.

Maanna Nuugaatsiami Illorsuarnilu innuttaasut 150 sinnerlugit nunaqarfimminnit qimagutitaaqqapput nutaamik tassaarsuaqarsinnaaneranut aallerinermit tunngaveqartumik, innuttaasulli qimarngunneqarsimasut ikiorneqarnissamik pisariaqartitsipput, pingaartumillu ungasinnerusoq eq-qarsaatigalugu inuunerminnik inuussutissarsiuteqarnerminnillu ingerlariaqqinnissartik pisariaqartillugu.

Qularutigineqassanngilaq, KNI-mit ikiuiniarnermut immikkoortinneqartut, eqqugaavissimasunut tutsinneqarnissaat. Pingaarnersiuinermi inuussutissarsiummik aallartitseqqissinaanermut ikorfartueqataassutaasinnaasut salliutinneqarumaarput. Ikiortariaqartunik kinaassusersiiniarnermi pisortaqarfiit attavigineqassapput.

Tamatuma saniatigut meeqqat atuarfianni atuartunut nunaqarfinnit pineqartunit nuuttariaqalersimasunut atuagaasivinnik, aqerluusaasivinnik taqussanullu puunik imerfinnillu tunissuteqassamaarpoq.

Inussiarnersumik

Peter Grønvold Samuelsen
Pisortaaneq