Nioqqutissaateqarniarneq ajornartoorfiusinnaavoq

Royal Arctic Line-p Nunatta kitaata avannaani sikuniarnera pissutigalugu assartuussinerminik unitsitsinerminik nalunaaruteqarnera KNI A/S-ip tusaatissatut tiguaa. Nunatsinni imaatigut assartuineq Royal Arctic Line-ip akisusaaffigaa, taamaattumik assartuinermi Royal Arctic Line-p periarfiissutai taamaallaat KNI A/S-ip naatsorsuutigisinnaavai.

Kitaata avannaanut assartuinerup taama eqqorneqarnerani aamma isiginiagassaavoq ilungersunartoq alla tassalu nioqqutissat piffissami sivitsortumi Aasianni RAL-imi uninngasuutaasut amerlavallaalersimanerat, tamannalu pisimavoq ilaatigut Aalborg-imiit nassiussanik ulikkaarussaasaqattaarneq aammalu Aasianni uninngasut katersuunnerat.  

Nioqqutissanik piniartarnermut nittarsaassinermullu pisortaq Kurt Lauritsen:
- Pingaarnersiuineq pillugu Royal Arctic Line-lu pitsaasumik oqaloqatigiippugut, naatsorsuutigaarpullu nioqqutissat apuunnissaannut Royal Arctic Linep sapinngisani tamaat periarfissarsiuutissagaatigut, RAL-immi immaatigut nioqqutissanik assartuussissunnaanngippatsigut pissutsit ilungersunarsisinnaapput.

Qeqertarsuup Tunua

Royal Arctic Line-p assartuutaani atortunik ajutoortorqarnera pissutigalugu umiarsuaatileqatigiiffik aamma Qeqertarsuup Tunuani assartuussinermini kinguaattooqqavoq. Kinguaattooqqaneq pissutigalugu nunaqarfiit ilaat piffissami sivitsortumi nioqqutissanik pajunneqarsimanngillat. Qeqertarsuup Tunuani nassiussat eqqarsaatigalugit pingaarnersiuinisami maanna KNI A/S-ip Royal Arctic Line oqaloqatigaa.

Nioqqutissanik piniartarnermut nittarsaassinermullu pisortaq Kurt Lauritsen:
- Pisumut tunngatillugu taakkulu kingunerinut pisisartutsinnullu persaqusersuutaasinnaasut KNI A/S-ip assorsuaq ajuusaarutigai, persaqusersuutaasinnaasulli annikinnerpaatinniarlugit tamaviaarpugut.

Ukiussamut peqqumaasersornerit – sikusartumiittut eqqarsaatigalugit - Royal Arctic Line A/S-ip angallavissatut “qularnaatsutut” nalunaaqqasaanut umiarsuarnut assartorneqarnissaat inissinneqarsimapput, umiarsuillu tikiffissaannut arlariinnut agguataarneqarnikuullutik, tamatumani nioqqutip suunera piunertussusaallu eqqarsaatigalugit agguataarneqarsimallutik. Nioqqutissat inuussutissat kiisalu nutaat ullussakinnerusut ukiumut umiarsuup kingulliusussap siulianut kingullermullu tikittussanngorlugit assartugassanngortinneqartarput.