Ataqqinartorsuup Dronningip nersornaasiuttagaanik Fortjenstmedalje-mik sølviusumik saqqarmiuliineq

Birthe Lyberth ukiuni 40-ni KGH/KNI-mi sulereerluni, pingasunngorneq 9.december Pilersuisoq Ka-ngaamiuni, Ataqqinartorsuup Droninngip nersornaasiuttagaanik sølviusumi saqqarmiulerneqarpoq.

Birthe Lyberth amma Pilersuisumi pisortaq Finn Fabricius

Birthep saqqarmiulerneqarnera Pilersuisoq Kangaamiuni ingerlanneqarpoq. Birtep qanigisai aamma Pilersuisoq Kangaamiuni suleqatai saqqarmiuliisoqarnerani peqataapput.

Pilersuisumi pisortaq, Finn Fabricius, tuniniaanermi pisortaq, Arne Lyberth Petersen, peqatigalugu Kangaamiunukarpoq. Pisortaq oqalugiareermat tuniniaanermi pisortap kalaallisut nutserpaa. Oqalugiareernerup kingorna saqqarmiuliisoqarpoq.

“Asasara Birthe, asasakka Birthep ilaqutai, asasakka suleqatit – tamassi tikilluaritsi.

Asasara Birthe – nalunngilara saqqarmiulerneqarnissavit persuarsiutigineqarnissaa kissaatigisimanngikkaluarit. KNI-mili suleqativut ukiorpassuarni sulerulussimasut nalliuttorsiutigerusullugillu ataqqiniartarpavut. Ukiuni 40-ni suliffeqarfimmi ataasiinnarmi sulisimaneq kikkunnit tamanit nalliussineqaannartanngilaq, tamannalu malunnarterusussimavarput.

KNI A/S sinnerlugu maani oqalugiarsinnaagama tulluusimaarpunga ataqqinartillugulu,  kiisalu ullormi suleqatitit peqatigalutgit nalliuttorsioqatigisinnaagatsigit nuannaarutigalugu.

Ullumikkut katerippugut Birthe Lyberth-ip ukiorpassuarni  KGH-mi/KNI-mi sulisimanerani ataqqiniarlutigu kiisalu Ataqqinartorsuup Dronningip nersornaasiuttagaanik saqqarmiulierniarlutigu. KNI-mi suleqatitta sølvimik saqqarmiulerneqartarnerat qaqutigoortuuvoq, taamaakkaluartoq ukiorpassuarni saqqarmiuliisoqartarnikuulluni.

Ataqqinartorsuup Dronningip saqqarmiuliuttagaa kikkunnut tamanut tunniussuunneqartanngilaq, taamaattumik ullumikkut saqqarmiuliisinnaagama assorsuaq nuannaarutigaara.

Ulloq 15. juuni 1975-imi KGH-mi sulilerputit – suliatit nuannariuarsimavatit suliffiillu sutigut tamatigut eqquutsillugulu paariuarsimavat. Piffissaq eqqorlugu suliartortarnissat ataqqiuarsimavat, suleqatitillu ataqqillugit piuarsimallugit.

Pisortavit suliakkissagaatit utaqqiinnarnagu nammineq suliaqartarlutit uninngaannartarsimanngilatit – sulilumi utaqqiinnarnak nammineq suliassarsiortuartuuvutit. Ilisimasannik ilinniartitsillaqqissuuvitit, taamaattumik sulisorpassuit nutaat ilinniartittuartarsimallugit.

KGH-mi/KNI-mi ukiorpassuarni sulisimaninnut KNI A/S Pilersuisoq sinnerlugu qutsavigiumavakkit. Ilaquttatit tamaasa aamma qutsavigiumavakka. Ilaquttavit ukiorpassuarni tapersersortuartarsimassagaatsit qularinngilara.

Naggataatigut pilluaqqorujussuarpakkit siunissamilu ajunnginnerpaanik tamanik kissaappakkit. Maannalu KGH-mi/KNI-mi ukiorpassuarni aalajaallutit sulisimaninni  Ataqqinartorsuup Dronningip Nersornaasiuttagaanik sølviusumik saqqarmiulissavakkit.”