Efterskolernianut AFS-ernianullu KNI A/S aningaasaliisalissaaq

Kalaallit Nunaat tamakkerlugu pisiniarfinni nioqqutissanik ikummatissanillu pilersuineq sulisut 1000-t missaanniittut isumagisaraat. Ullut tamaasa ukioq kaajallallugu.

KNI A/S-ip aalajangeqqammerpaa sulisumi meeraat efterskolerniartut AFS-iluunniit aqqutigalugu atuariartorniartut ilaannakortumik tamakkiisumilluunniit aningaasaliiffigisalerniarlugit. Ilaannakortumik tamakkiisumilluunniit tapiiffigineqarsinnaasut tassaapput inuusuttut pingasut efterskolerniartut aammalu inuusuttut pingasut AFS aqqutigalugu nunanut allanut atuariartorniartut.

Peter Grønvold Samuelsen, pisortaaneq:

- Nuannaarutigalugu nalunaarutigissavara sulisugut 1000-it missaanniittut maanna periarfissaqalermata qitornamik efterskolerniarnerannut AFS-iluunniit aqqutigalugu ilinniariarniarnerannut ilaannakortumik tamakkiisumillunniit tapiiffigineqarnissaminnut qinnuteqarnissamut. Aningaasat immikkoortinneqartut efterskolernianut pingasunut AFS-ilu aqqutigalugu atuariaqartorniartunut pingasunut atugassiaapput. 

- Taamatut iliorpugut pissutigalugu inuusuttut tassaammata KNI A/S-ip siunissami atorfissaqartilluinnaqqissaagassai. Suliffeqarfiup siunissamini pisariaqartitaanut inuusuttut avaqqunneqarsinnaanngillat, tassalu inuusuttut avatitsinni najugaqarlutik misilissimasut taamalu nunatta avataani pisunik malinnaasut.