Ileqquusumik ataatsimeersuarneq 2015

KNI A/S ataasinngorneq 17. august 2015, nal. 12:00 Sisimiuni, ileqquusumik ataatsimeersuarpoq. Piginnittut sinnerlugit najuuppoq Naalakkersuisut siulittaasuat Kim Kielsen.

KNI-p naatsorsuutitigut angusai kusanartut pillugit Kim Kielsen nersorinnippoq sulisullu tamaasa, aqutsisut siulersuisullu qutsavigalugit.

Siulersuisuni siulittaasoq Niels Thomsen nuannaarluni KNI-mi sulisut tamaasa qutsavigai, ilaatigut oqaatsini ima naggaserlugit:

- Akisussaassuseqarneq takutikkusupparput, suliassatsinnut tunniusimalluta, aalajangersinnaassuseqarluta iliuuseqarumassuseqarlutalu sulerusuppugut. Suliffeqarfik nukittorsaqqissavarput siunnerfilimmik qanoq iliuusissanik sinaakkusersuilluta, ilaatigut aamma sulisut akornanni eqqarsataatsinik sungiusimaliinnarsimasanik allanngortiterinikkut. Piginnittut kajumissaarpagut sulinissatsinni sinaakkutissatsinnik ersarissunik tunisaqqulluta.

- Siulersuisut sinnerlugit KNI-mi pisisartut, sulisut suleqatigisallu tamaasa qutsavigaakka.

 Siulersuisuni ilaasortat piginnittunit toqqarneqartartut tamarmik ingerlaqqipput. Sulisut sinnerlugit ilaasortat nutaartaat Mikol Heilmann aamma Dorthea Isaksen siulersuisuni ilanngupput.