Ataqqinartorsuup Dronningip nersornaasiuttagaanik Fortjenstmedalje-mik sølviusumik saqqarmiuliineq,
Daniel Pivat

1. marts unnukkut nal: 18:00 ukiuni 41-ni KGH/KNI Pilersuimillu ataannartumik sulisimasoq Daniel Pivat ataqqinartorsuup saqqarmiuliuttagaanik sølv-iusumik katersortarfimmi saqqarmiulerneqarpoq.

Nalliuttorsiornermi qaaqqusaapput Daniel-ip qitornai, ilaqutai qanigisaalu, taavalu Pilersuisoq Kuummiuni suleqatai.

Unnuk Daniel Pivat-mut qaaqqusanullu pingaartorsiorfiuvoq.

Ulloq Daniel Pivat-imut qaaqqusanullu pingartorsiorfiuvoq. Tunumi tuniniaanermi pisortaq tikilluaqqusereermat erinarsoqatigiit erinarsorput.

Tuniniaanermi pisortap Martha Mikaelsen-ip oqalugiaataa:

“Asasaput Daniel Pivat.

KGH-mi/KNI-mi ukiorpassuarni sulisimallutit nersorneqarninni ullumikkut katerippugut. KGH-mi 10. juni 1974 24-nik ukioqarlutit sulilersimavutit, taamanikkut pisiniarfimmi ittuusimavoq Lars Ignatiussen, kisianni taamani kina niuertuunersoq eqqaamanngilat

Taamanerniilli makku suliarisarsimavatit:

Pisiniarfimmi karsimiittuuneq, nioqqutissanik ilioraasutut, kioskimiittuuneq, pisiniartitsineq, taavalu vareleder angalatillugu akisusaaffimmik tigummiartarneq, massakkumut suli sulivutit.

KGH/KNI-mi allanngortitserineq ilutigalugu pikkorissarnerit assigiinngitsut peqataaffigisarsimavatit, maannalu pisiniarfimmi overassistentitut sulillutit.

Oqaluttuupparama taamanikkut eqqaamasavit ilagigaat akissarseqqaarnerit, tassa akissarsiarisimavatit 300,- kr sinnilaarlugit, sulisartut peqatigiiffianni GAS-imik taaguutilimmi 1975-imi ilaasortanngorsimavutit , taamanili sulileravit peqquteqavitsinnak sulingitsoorsimanngilatit, taamatut ittut ikittuinguinnaapput. Eqqaamasavillu aamma ilagaat pisiniarfik innaallagiatortunik qulleqartoq, taamaasillutit innaallagiaarukkaangat akileraasitsivik karseq kaavitittariaq atorlugu pisiniartitsisarnerit eqqaamallugu.

Asasara Daniel

KNI A/S sinnerlugu ukiorpassuarni aalajaallutit KGH-mi/KNI-mi sulisimaninni qamannga pisumik pilluaqqujumavakkit,

Maannalu KGH-mi/KNI-mi ukiorpassuarni aalajaallutit sulisimaninni Ataqqinartorsuup Dronningip Nersornaasiuttagaanik sølviusumik saqqarmiulissavakkit.

Ukiuni 40-ni sulisimaninni qamannga pisumik ilaquttannguatillu pilluangaaritsi, unnuup sinnerani nuannersumik ullorsiornisasinnut kissaappassi ullorsiorluaritsilu.

Unnuup ingerlanera nuannerluinnartumik ingerlanneqarpoq, oqalugiaqattaarlutik, erinarsorlutik, taavalu tissinartunik oqaluttuallattaarlutik.