Neriuffimmut katersuiniarnersuaq

KNI A/S-ip aalajangersimasumik aningaasaliiffigisartagaanut ilaavoq nuna tamakkerlugu kræftimut akiuiniarneq pillugu suliniaqatigiiffik Neriuffik, KNI A/S-llu nuannaarutigaa ulloq 7. Marts katersuiniarfiusoq eqqorlugu aningaasaliissutini 50.000 kroniusut tunniussinnaagamigit.

Aalajangersimasumik ukiumut aningaasaliissutaasartut taakku saniatigut sulisut piffissap sivikikkaluartup iluani katersorsimasaat 76.862,00 kroner aamma suliniaqatigiiffimmut tunniussinnaagamigit KNI A/S-ip sulisut sinnerlugit aamma tulluussimaarutigaa.

Sulisut katersaannik aammalu suliffeqarfissuup KNI A/S-ip aningaasaliissutaanik tunniussisuupput Nuummi KNI A/S-ip quersuaneersoq Karoline Lennert Kleemann aamma Polaroilip Nuummi tankeqarfianeersoq Kaj Eliassen.