Avannaata Qimussersua - KNI A/S-ip aamma aningaasaleeqataaffigisaa

Avannaata Qimussersua 2015-mut KNI A/S ukiup aappassaa 75.000 kroninik aningaasaleeqataavoq. Avannaata Qimussersua 2015-mut martsip ulluisa 27-anni 28-annilu Qeqertarsuarmi ingerlanneqartussamut KNI A/S aningaasaleeqataaqqippoq.

Ukiormanna Avannaata Qimussersuata ingerlanneqarnissaanut meeqqat marsip 27-anni unammisinneqarnissaannut qulit 20-llu akornanni peqataanissaat naatsorsuutigineqarpoq, aqaguanilu marsip 28-anni inersimasut unammisinneqalerpata 40-t 49-llu akornanniittut peqataanissaat naatsorsuutigineqarluni.

Avataaniit unammiartussat taakkulu qimmii timmisartoq atorlugu assartorneqartarput, taamalu assartuussisarneq Avannaata Qimussersuata aaqqissuunneqarnerani aningaasartuutit koruunit 2,5 millionit 3 millionillu akornanniittartut amerlanersaasa matussuserniartarpaat.

Peter Grønvold Samuelsen, KNI A/S-ip pisortaanera:
- Qimusserneq inuiattut oqaluttuarisaanitsinni pingaaruteqarpoq, sulilu avannaani tunumilu nunaqarfippassuarni illoqarfinnilu inuutissarsiornermi pinngitsoorneqarsinnaanani. Taamaattumik KNI A/S-imi tulluusimaarutigaarput ukiuni arlalinngortuni Avannaata qimussersuanut tapersersueqataasinnaanerput.