Allannguineq

2. februar 2016 atuutilersumik KNI Engros-ip aqunneqarnera Nuummiilerpoq

KNI Engros eqqarsaatigalugu aqqissuussaanerup allanngortinneqarnerata malitsigisaanik maannamut distributionschefiusoq Steen M Jensen 2. februar 2016 atuutilersumik Engroschefitut atorfinippoq.  Maannamut Engroschefitut atorfeqarsimasoq Bent AF Møller tuniniaanermut konsulentitut sulilluni ingerlaannassaaq.

Bent AF Møller:
- Engros-mi niueqatigisartakkat tikillugit attaveqarfiginerisa isumaginissaat piffissami sivitsortumi tamakkiisumik pisinnaasimanngilaq tassami Engroschefitut sulinermut atatillugu allaffissornermik isumagisassat annertuut peqatigisaanik isumagisariaqartarsimagakkit. Niueqatigisartakkat attaviginerisa maannamiit tamakkiisumik isumagilernissaanut piginnaasakka soqutigisakkalu aallaavigalugit maanna sulisinnaalissaanga. 

Steen M Jensen:
- Atorfik nutaaq unammillernartulik isumagilissallugu qilanaarpunga. Engros-mut tunngasut suliarinerat uannut nutaajunnagilaq, periarfissallu annertuut tassaniittut KNI A/S-imut iluaqutissanngornissaat anguniassallugu sulissaanga.

Peter Grønvold Samuelsen, pisortaaneq, KNI A/S:
- Engros-imik niuerneq KNI-mut pingaaruteqarpoq. Nunatsinni tamarmi inissisimanerput annertuukkaanillu pisiniartarnerput eqqarsaatigissagaanni Engros periarfissaqarpoq, periarfissallu taakku samminerat maannamut sanilliullugu annerusinnaalluarpoq. Piffissami aggersumi periarfissat taakku sammissavagut.

KNI Engros pillugu paasissutissat uani atuarneqarsinnaapput