KNI Engros Nunatsinni avinngarusimasunut immikkut ilisimasalik

KNI Engros Kalaallit Nunaat tamakkerlugu atuuffeqarnini uppernarsaqqippaa. Nioqqutissanik suliffeqarfinnut tuniniaasartut maanna Tunumi Tiilerilaap eqqaaniittumi suliffeqarfik Natural Habitat Adventures nioqqutissanik pilersorlugu aallartippaa. Takornarialerisut tunumi pinngortitarsuarmi sermersuup eqqannguani inissisimasumi immikkuullarissumik misigisassaqartitsiniarlutik unnuisarfinnik pilersitsisimapput. KNI Engros-ip sullitani inoqarfiit qimallugit avinngarusimasumi inissisimagaluartoq pingaartippaa nioqqutinik amigaatigisaannik pisariaqartitaannillu pilersornissaa.

Taamatuttaaq takornariaqartitsivik alla World of Greenland Ilulissat eqqaanni Eqimi aammalu nunaqarfimmi Ilimanami unnuisarfiutillit nioqqutinik pilersorlugit aallartipput.

Siorna Tunup avannaarsuani sermersuup qeqqani Erip-ermiut qillerisut KNI Engros-ip tikeraarnerani nioqqutissanik tunisivoq, maannamullu suli pisariaqartitaannik pilersorlugu.

Misissuisut taakkua sermeq ammut 2.700 meterisut ititigisoq qillerlugu sermimik piiakkaminni misissuipput ukiut 50.000-it kingumut silaannaq qanoq issimanersoq paasiniarlugu. Qillerineq ukiuni 4-5-ni ingerlanneqassaaq. Misissuineq ingerlanneqarpoq pissutigalugut tamaani sermeq sinerissamut tungaanut ullormut 16 cm-terisut nikittarmat. Tamannalu sumik patsiseqarnersoq paasissallugu misissuinut pingaaruteqarpoq.

KNI A/S-imi ingerlatsiviit sisamaasut ilaat KNI Engros - nuna tamakkerlugu suliffeqarfinnut assigiinngitsunut tuniniaasuullunilu nassiussuisuuvoq Nuummilu quersuarmi inissisimalluni.

KNI Engros pillugu paasissutissat amerlanerusut uaniipput: www.kni.gl/kni-engros