KNI Engros KAMIK-llu pisiortorfissamik ukiuni pingasuni atuuttussamik isumaqatigiissuteqarput

Nuuk Købmandshandelimi pisortaq, Erik Brogaard (talerpimmi) KNI-milu Engrosimi pisortaq, Jens Bang, atsioqatigiittut 

KNI-p nioqqutissanik noqqaasarfimminnik Arctic Importimut Reitan Distributionimullu allannguinerminut atatillugu Nuuk Købmandshandel, Nuummi Kamiit pisiniarfiinik ingerlatsisoq, nioqqutissanik noqqaasarfissamik isumaqatigiissuteqarfigaat.

Isumaqatigiissutip nutaap Nuummiut nioqqutissanik REMA 1000-imeersunik Nuummi pisiniartaleqqinnissaannut periarfissippai.

Jens Bang, KNI Engrosimi pisortaq, oqarpoq:

- Nioqqutissat REMA 1000-meersut Danmarkimi ukiuni kingullerni pingasuni pitsaanerpaatut meqqitut taaneqartarput, tamannalu peqquteqarpoq nioqqutissaataat pitsaassuseqarluaramik akiminnullu tulluarlutik, taamatullu REMA 1000 avatangiisiminnut mianerinnittuunissartik aamma pingaartilluartuuaat.

Nuuk Købmandshandelimiit isumaqatigiissutip inissinnera aamma nuannaarutigineqarpoq:

 - Meqqimik pitsaasumik pisiniarfitsinniittuuteqalissaagut, qularnanngilarlu pisisartutsinnit tamanna nuannaarutigineqarumaartoq, Erik Brogaard, Nuuk Købmandshandelimi pisortaq, oqarpoq.

REMA-mit nioqqutit siulliit KAMIK-nni sapaatit akunnerit tallimat missaat qaangiuppata tunisaalissapput.