Polaroil Sisimiuni naatsorsuuserinermi ikiortissarsiorpoq

Polaroil Sisimiuni qitiusumik kiffartuussivimmi misilittagalimmik nammineerluinnarlunilu sulisinnaasumik naatsorsuuserinermi ikiortissarsiorpoq, piaartumik imaluunniit isumaqatigiissuteqarnikkut sulilersussamik. Naatsorsuuserinermi ikiortinngortussap allaffissornermi aqutsisoq qaninnertut sulisitsisorissavaa.

Polaroil-ip qitiusumik kiffartuussiviata ikummatissaasiviit 70-it ulluinnarni sullittarpai attaveqarfigisarlu-gillu. Qitiusumik kiffartuussivimmi sulisut aqqaneq-marluusut teknikkikkut, aningaasaqarnikkut ingerlat-sinermilu aqutsineq ikummatissaasivinnillu kiffartuussineq suliarisarpaat.

Polaroil-ip suliassaraa Kalaallit Nunaanniittut tamaasa ikummatissanik imerpalasunik pilersuiffigissallugit tuniniaaffigissallugillu.

Naatsorsuuserinermi ikiortitut pingaarnertut suliassatit makkuussapput:

  • Ingerlatsinermi akiligassanik ulluinnarni nalunaarsuineq
  • Pisinermi akiligassat/noqqaassutit ulluinnarni suliarinissaat
  • Ikummatissaasiviit tuniniagassaminnik noqqaassutaannik ulluinnarni suliaqarneq
  • Umiarsuit ikummatissamik usiinut tunngasunik ulluinnarni suliaqarneq
  • Ulluinnarni akiligassaqarfinnut akiliinerit naatsorsuinerlu
  • Ikummatissat tunisat naatsorsorneri akiligassanngortinnerilu
  • Allakkanik normulersuineq toqqorterineq
  • Uninngasuutinut qaammatikkaartumik nalunaarusiornerit naatsorsuinerillu
  • Excel regnearkikkut naatsorsuinerit paasissutissanillu suliaqarnerit
  • Pisariaqalersillugu suliassanngortartut

Atorfinittussap makkua piginnaaneqarfigissagai piumasaqaatigaarput:

  • Naleqquttumik allaffimmiutut ilinniagaqarsimanissaq
  • Sullissilluarusuttoq, naleqqussarsinnaasoq aalajaatsorlu
  • Suliassanik assigiinngitsunik suliaqarsinnaanermi tamatigoortoq akisussaassuseqartorlu
  • Ulapaarfinni ataatsimut isiginnissinnaasoq
  • Oqaatsit - kalaallisut, danskisullu oqalussinnaasoq allassinnaasorlu ajornanngippallu aamma tuluttut

Qinnuteqartumut eqqortumut neqeroorutigaavut:

  • Piginnaasat naapertorlugit immikkut isumaqatigiissuteqarnikkut akissaateqartitaaneq
  • Piginnaanngorsarnissamut periarfissat pitsaasut
  • Suliffik ulluni tamani assigiinngissitaarfiusoq, pissanganartoq unamminartorlu

Atorfimmut tunngatillugu annertunerusumik paasisaqarusukkuit allaffissornermi aqutsisoq Signa Jensen sianerfigineqarsinnaavoq oqarasuaammut: 86 23 68 mailerfigaluguluunniit uunga: sch@kani.gl

Qinnuteqaat
Qinnuteqaat sukumiisoq, ilinniarsimanermut siusinnerusukkullu sulisimanermut nalunaarsukkanik imalik (CV), oqaaseqaatit aammalu sulisitsisorisimasavit attaveqarfiginissaanut paasissutissaq, tigoreersimassa-varput kingusinnerpaamik ulloq 16. oktober 2019.

Qinnuteqaat uunga nassiunneqassaaq:

KNI A/S
HR-afdelingen
Postboks 319
3911 Sisimiut
Email: jobs@kani.gl

                   

KNI Kalaallit Nunaanni tamarmi 1.000-it sinnerlugit sulisoqartoq Nunatsinni niuernermik ingerlatsisut annersaraat. Suliffeqarfissuup niuernikkut tallimanik ingerlataqartup ukiumut 2,5 mia. kr. kaaviiaartittarpai.

Tamannalu ingerlanneqarpoq ulluinnarni nioqqutissanik atortussanillu nioqquteqarnikkut, ikummatissaqar-titsinikkut, toqoraaveqarnikkut, illoqarfinni nunaqarfinnilu nioqqutinik quersuarniit tuniniaanikkut, mittar-feqarfitsigut nittartakkakkullu tuniniaanikkut.

KNI pillugu paasisaqarnerorusukkuit  www.kni.gl-imut iserlutit paasisassarsiorsinnaavutit.

KNI A/S • J.M. Jensenip Aqq. 2 • 3911 Sisimiut
T +299 86 24 44 • E info@kni.gl