Naatsorsuuserivimmi akiligassalinnut sulisoq

Polaroil Sisimiuni kiffartuussivik akiligassalinnut immikkoortortaqarfia pikkorissumik tamatigoortumillu ulloq 1. januar 2019 isumaqatigiissuteqarnikkulluunniit sulilersussamik  sulisussarsiorpoq.

Naatsorsuuserivimmi akiligassalinnut sulisoq allaffissuutiginninnermi pisortaq qaninnertut pisortarissavaa.

Naatsorsuuserivimmi akiligassalinnut sulisutut pingaarnertut suliassarissavatit:

  • Akiligassalinnut tunngasut ullut tamaasa malinnaavigineri
  • Ikummatissaasivinniit naatsorsuutinut ulluinnarni nalunaarsukkat malinnaavigineri
  • Akiligassalinnut tuavisaarinerit kiisalu eqqartuussivikkut akiliisitsiniaanerit
  • Ulluinnarni akiliutissat anisussat isertussallu assigiissinneri / nalunaarsorneri
  • Pisisartorisanik ulluinnarni attaveqarnerit
  • Sap. akunnikkaarlugit qaammatikkaarlugit suliassat takkussuuttut

Naatsorsuuserivimmi akiligassalinnut sulisutut atorfik imaattumik inuttalerusupparput:

  • Naleqquttumik allaffimiutut ilinniarsimasoq
  • IT-mik nalinginnaasumik atuisinnaalluartoq
  • Kiffartuussilluarusuttoq eqaatsumik suleriuseqarluni naleqqussarsinnaasoq
  • Ulapaarfinni ulaperuluffinnilu sulilluarsinnaasoq
  • Kalaallisut, qallunaatut ajornanngippallu tuluttut oqalussinnaasoq 

Atorfinittussamut neqeroorutigaavut:

  • Piginnaasat naapertorlugit isumaqatigiissuteqarnikkut akissaateqartitaaneq
  • Piginnaanngorsaqqinnissamut periarfissat pitsaasut
  • Annertuumik nammineersinnaassusilik

Atorfik pillugu paasisaqarnerorusukkuit allaffissornermut pisortaq Signa Jensen oqarasuaatikkut attavigineqarsinnaavoq: 86 23 68 mobil: 52 22 60 imaluunniit email-ikkut: sch@kani.gl

Qinnuteqaat
Qinnuteqaat ilinniarsimanermut siusinnerusukkullu sulisimanermut allattukkanik imalik (CV), oqaaseqaatit aammalu sulisitsisorisimasappit attaveqarfiginissaanut paasissutissaq, tigoreersimassavarput kingusinnerpaamik ulloq 19. december 2018.

Qinnuteqaat uunga nassiunneqassaaq: 
KNI A/S
Sulisoqarnermut immikkoortortaqarfik
Postboks 319
3911 Sisimiut
e-mail: jobs@kani.gl

KNI A/S Kalaallit Nunaanni tamarmi 1.000-it sinnerlugit sulisoqartoq Nunatsinni niuernermik ingerlatsisut annersaraat. Suliffeqarfissuup niuernikkut tallimanik ingerlataqartup ukiumut 2.5 mia. kr. kaaviiaartitttar-pai.

Tamannalu ingerlanneqarpoq ulluinnarni nioqqutissanik atortussanillu nioqquteqarnikkut, ikummatissa-qartitsinikkut, toqoraaveqarnikkut, illoqarfinni nunaqarfinnilu nioqqutinik quersuarniit tuniniaanikkut, mit-tarfeqarfitsigut nittartakkakkullu tuniniaanikkut.

KNI pillugu paasisaqarnerorusukkuit  www.kni.gl -mut iserlutit paasisassarsiorsinnaavutit  

KNI A/S • J.M. Jensenip Aqq. 2 • 3911 Sisimiut
T +299 86 24 44 • E info@kni.gl