Nassiussugalerinermi pisortaq

Aqutsisutut atorfittaarusuppit Nunatsinnilu nioqquteqarnermi ingerlatsisut annersaanni qaffakkiartorusullutit? Taava maannakut periarfissaqalerputit.

Pilersuisoq Sisimiuni Qitiusumik Kiffartuussivimmi sulisussamik nioqquteqarnermik ingerlatsinitsinni angusaqarusussusilimmik nassiussugalerinermi pisortassarsiorpoq ulloq 1. maj 2019 aallarnerfigalugu atorfinittussamik. Atorfigiligassannilu Pilersuisup pisiniarfii 64-iusut nassiussugalerinerannut pingaarnertut akisussaaffigissavatit, kiisalu Nunatta isorartunerujussua pissutigalugu assartuinermut tunngatillugu paasinnilluarsimasuussaatit pilersaarusiullaqqissuussallutillu. Immikkoortoqarfigisat qanimut suleqatigalugu Pilersuisup nioqqutissanik pilersuinera ineriartortinnissaalu pitsaanerpaaffianiitissavatit.

Nioqqutissarsiortornermut pisortaq qaninnertut pisortarissavat Pilersuisullu aqutsisoqatigiivinut ilaassallutit.

Atorfik pillugu
Nassiussugalerinermi pisortatut nioqqutissarsiortornermut assartugalerinermilu immikkoortortaqarfitsinni sulisut 7-it aqutsisuuffigissavatit. Illiussaaq aqutsinikkut sulisunik kajumissaarisuullutillu ineriartortitsisussaq, kiisalu sulisut naammagisimaarinninnerat suliinnarnissaallu pitsaanerpaamik isumagissallugu. Pisiniarfiit ingerlanneqarnerat pillugu Nunat immikkoortuini pisortat/amerlasuukkaani nioqquteqarnermi pisortaq, pisiniarfiit pisortaat niuertullu isumasioqatigitillugit niuillaqqissutsit angusaqarumassutsillu atorlugit angusaqartassaatit.

Makku aamma akisussaaffigissavatit:

  • Missingersuutinik periusissiornermilu anguniagassanik suliaqarneq eqquutsitsinerlu
  • Pilersuisumi KPI-mik, missingersuutinik sulianullu tunngatillugu malinnaaviginninneq
  • Killingusaami periusissiatta atuuttunngortinnissaa piviusunngortinnissaalu
  • KNI-mi kulturerineqartoq naleqartinneqartullu malinneqarnissaat qulakkeerlugu

Ilinnut tunngasut
Nassiussugalerinermik misilittagaqarputit, ajornanngippat nioqquteqarnerup iluani, taamaalillutillu pitsaasunik angusaqarsinnaallutit takutittarnikuullugu. Suleqateqallaqqissuunerpit attaveqallaqqissuuner-pillu suleqatigiinnik eqqortunik inuttalersuisinnaatippaatit periusissiamillu piviusunngortitsisinnaatillutit. Naleqquttumik qaffasinnerusumik ilinniagaqarputit aqutsisutullu misilittagaqarlutit. Ullumikkut tuniniaanermi nioqqutini aalajangersimasuni-/tunisassiani pisortatut, nassiussugalerinermi pisortatut allatulluunniit naleqquttumi pisortatut  niuertarfissuarmi atorfeqarputit ingerlariaqqinnissannullu piareeqqallutit.

Taakku saniatigut makkuninnga naatsorsuuteqarfigaatsigit:

  • Sunniuteqarluarsinnaasuusutit aqutsinermillu suliaqarnermik misilittagaqartuullutit
  • Immikkuullarissumik niuerluarsinnaassuseqartutit paasisimasaqarfigalugulu
  • Akisussaassuseqarluartuusutit suliassanillu suliakkiutiginnissinnaasutit naammassinissaasalu tungaanut malinnaavigisinnaallugit
  • Ilungersuutiginnittartuusutit, annikitsualunnik malussarissuullutit, iluatsitsinissamullu nukissaqarluarlutillu piumassuseqartuusutit
  • IT-mik atortunik atuillaqqissuusutit, ilaatigut office-pakken atorluartarlugu

Neqeroorutigaavut

  • Inuttut suliatigullu inerisarneq
  • Piginnaasat naapertorlugit isumaqatigiissuteqarnikkut akissaateqartitaaneq orniginartoq
  • Soraarnerussutisiassat
  • Sulisunut inissiaq
  • Sulilernissamut akiliunneqarluni angalaneq
  • Peqqinnissamut sillimmasiineq

Atorfimmut soqutiginnillutit paasisaqarnerorusukkuit nioqqutissarsiortornermut pisortaq Brian Weuge Chemnitz sianerfigisinnaavat oqarasuaammut sianerlutit: +299 26 76 65  mailerfigaluguluunniit uunga bwc@kani.gl  

Qinnuteqaat 
Qinnuteqaat, ilinniarsimanermut siusinnerusukkullu sulisimanermut allattukkanik imalik (CV), oqaaseqaatit aammalu sulisitsisorisimasavit attaveqarfiginissaanut paasissutissaq tigoreersimassavarput kingusinnerpaamik ulloq 1. marts 2019.

Qinnuteqaat uunga nassiunneqassaaq:

KNI A/S
Sulisoqarnermut immikkoortortaqarfik
Postboks 319
3911 Sisimiut
E-mail: jobs@kani.gl

                      

KNI Kalaallit Nunaanni tamarmi 1.000-it sinnerlugit sulisoqartoq Nunatsinni niuernermik ingerlatsisut annersaraat.  Suliffeqarfissuup niuernikkut tallimanik ingerlataqartup ukiumut 2,5 mia. kr. kaaviiaartittarpai.

Tamannalu ingerlanneqarpoq ulluinnarni nioqqutissanik atortussanillu nioqquteqarnikkut, ikummatissaqartitsinikkut, toqoraaveqarnikkut, illoqarfinni nunaqarfinnilu nioqqutinik quersuarniit tuniniaanikkut, mittarfeqarfitsigut nittartakkakkullu tuniniaanikkut.

KNI pillugu paasisaqarnerorusukkuit www.kni.gl-mut iserlutit paasisassarsiorsinnaavutit.

 

 

KNI A/S • J.M. Jensenip Aqq. 2 • 3911 Sisimiut
T +299 86 24 44 • E info@kni.gl