Suliffeqarfissuarmi kukkunersiuisoq

KNI A/S aningaasaqarnermut immikkoortoqarfimmi suliffeqarfissuarmi kukkunersiuisussamik pissarsiorpoq ulloq 1. december 2019 aallarnerfigalugu imaluunniit isumaqatigiissuteqarnikkut sulilersussamik.

Suliffeqarfissuarmi kukkunersiuisutut suleqatigiit kukkunersiuinermik suliallit suleqatigissavatit teamlederilu qaninnertut pisortarissallugu.

Suliffeqarfissuarmi kukkunersiuisutut pingaarnertut makku suliassarissavatit:

  • Suliffeqarfissuup aningaasaqarneranut tunngatillugu suliaqarneq - tamatumani naatsorsuutit pillugit nalunaarutiginnittarneq assigisaannilluunniit
  • Suliffeqarfiup nammineq kukkunersiuinerani suliassanik suliaqarneq, tamatumani kukkunersiuiartorluni angalanissat pilersaarusiorneqartarnerat ilanngullugu
  • Uninngasuutinik naatsorsuisoqarnissaanik pilersaarusiorneq
  • Missingersuusiornermi peqataaneq
  • Nalilersugassanik assigiinngitsunik suliaqarneq
  • Suliassanik allanik assigiinngiiaartunik takkussuuttunik suliaqarneq

Suliffeqarfissuarmi kukkunersiuisutut aamma akisussaaffigissavatit:

  • Suliffeqarfimmi niuernermik suliallit suliffeqarfiullu avataani suleqatigisartakkat peqatigalugit suliassanik atuuttunngortitseqataaneq
  • Suleriutsinik nutarterineq nakkutilliinerlu
  • Sulilersut suliassaannik ilinniartitsineq
  • Suliffiup iluani assigiinngitsutigut ataatsimeeqataasarneq

Atorfinittussap makkua piginnaaneqarfigissagai piumasaqaatigaarput:

  • Naatsorsuuserinermi nalilersuilluarsinnaassuseqarnermik misilittagaqarluarnissaq
  • Qarasaasiamik atuinermi ilisimasaqarnissaq, tamatumani Microsoft Office ilanngullugu
  • Niuernermut tunngatillugu pingaarnertut paasisimasaqarnissaq
  • Marluinnik oqaaseqarnissaq, kalaallisut qallunaatullu

Atorfinittussamut neqeroorutigaavut:

  • Piginnaasat naapertorlugit isumaqatigiissuteqarnikkut akissaateqartitaaneq
  • Piginnaasat ineriartortinnissaanni periarfissat pitsaasut
  • Suliffik tamatigoortoq, pissanganartoq unammillernartorlu

Atorfik pillugu paasisaqarnerorusukkuit teamleder Lise Lyberth Sørensen attavigineqarsinnaavoq oqarasuaatikkut: 86 24 49 imaluunniit mail-ikkut: lls@kani.gl.

Qinnuteqaat
Qinnuteqaat sukumiisoq, ilinniarsimanermut siusinnerusukkullu sulisimanermut nalunaarsukkanik imalik (CV), oqaaseqaatit aammalu sulisitsisorisimasavit attaveqarfiginissaanut paasissutissaq, tigoreersimassa-varput kingusinnerpaamik ulloq 18. oktober 2019.

Qinnuteqaat uunga nassiunneqassaaq:

KNI A/S
Sulisoqarnermut immikkoortortaqarfik
Postboks 319
3911 Sisimiut
Email: jobs@kani.gl

KNI A/S Kalaallit Nunaanni tamarmi 1.000-it sinnerlugit sulisoqartoq Nunatsinni niuernermik ingerlatsisut annersaraat.  Suliffeqarfissuup niuernikkut tallimanik ingerlataqartup ukiumut 2,5 mia. kr. kaaviiaartittar-pai.

Tamannalu ingerlanneqarpoq ulluinnarni nioqqutissanik atortussanillu nioqquteqarnikkut, ikummatis-saqartitsinikkut, toqoraaveqarnikkut, illoqarfinni nunaqarfinnilu nioqqutinik quersuarniit tuniniaanikkut, mittarfeqarfitsigut nittartakkakkullu tuniniaanikkut. 

KNI pillugu paasisaqarnerorusukkuit www.kni.gl-mut iserlutit paasisassarsiorsinnaavutit.

KNI A/S • J.M. Jensenip Aqq. 2 • 3911 Sisimiut
T +299 86 24 44 • E info@kni.gl