KNI Marketing Logistik Manager-issarsiorpoq

Aaqqissuussaalluartumik sulisarpit, akisussaassuseqarluartuullutit suullu tamarmik iluatsinnissaat qulakkeertarpiuk? Taamaappat KNI-mi nittarsaassinermik immikkoortortaqarfimmi nutaamik atorfimmi atorfissaqartippatsigit, ulloq 1. oktober 2019 isumaqatigiissuteqarnikkulluunniit sulilertussamik. Logistik Manager-itut Sisimiuni kiffartuussivimmi sulisut pingasut suleqatigilissavatit. Sinerissami tamarmi niuernermik ingerlatallit kiffartuussivimmilu immikkoortortaqarfiit tamaasa kiisalu pilerisaarinermut tunngatillugu suleqatigisartagarput Marketsquare Københavnimiittoq ulluinnarni attavigisassavatit.

Nittarsaassinermik attaveqatigiinnermillu misilittagaqarsimanissat piumasaqaataanngilaq, kisianni aaqqissuussillaqqissuussaatit sunillu tamanik ataatsimut takunnissinnaasuussallutit - aamma sorpassuarnik suliassaqaraluaraangavilluunniit.

Illit tassaavutit:

  • Akisussaassuseqarluartoq ullulerlugillu killilikkanik suliaqarneq sungiusimallugu
  • Pilersaarusiullaqqissuuvutit ataqatigiissaarillaqqissuullutillu, immikkuualuttunullu tappissuullutit
  • Suliassanik piffissaq eqqorlugu tunniussassanik amerlasuunik sukkasuumik suliaqarsinnaavutit
  • Sulleripputit, tatiginarlutit suleqateqallaqqissuullutillu
  • Sullissilluarumasuuvutit inunnillu attaveqarneq nuannaralugu kiisalu suliassanik utikattuartunik suliaqarneq pikkoriffigalugu

Neqeroorutigaavut:

  • Suleqatigiit ammasuuneq, tatigeqatigiinneq imminnullu ataqqineq pingaartilluinnarlugit sulisut suleqatigissavatit
  • Atorfik assigiinngitsorpassuarnik suliassaqarfiusoq ineriartorfiusorlu
  • Ulluinnarni ulapaarfik pissusissamisuuginnartumillu imminnut ikioqatigiiffiusoq

Suliassatit akisussaaffissatillu tassaapput:

  • Qanittumi ungasissumilu uninngasuutitsinnik aaqqissuussineq aqutsinerlu
  • Sinerissami niuerfigisatsinnut nassiussassanik aaqqissuussineq aqutsinerlu
  • Ataatsimoorullutigu e-mailitsinnik akisussaaneq
  • KNI-p niuffatsitsinerinut sammisaqartitsinerinullu peqataaneq

Atorfik pillugu paasisaqarnerorusukkuit nittarsaassinermut pisortaq Anders Stenbakken attavigineqar-sinnaavoq oqarasuaatikkut: 55 15 77 imaluunniit +45 21 35 15 77.

Qinnuteqaativit tigunissaa qilanaaraarput. Qinnuteqaatit nassiutilerukku apeqqutit uku akillaqquavut: Atorfik taanna sooq kajumigaajuk? Atorfimmi tassani piginnaaneqarfitit misilittakkatillu suut atorluarniarpigit?

Qinnuteqaat
Qinnuteqaat qulaani pineqartut apeqqutit akissutaat kiisalu ilinniarsimanermut siusinnerusukkullu sulisimanermut allattukkanik imalik (CV), oqaaseqaatit aammalu sulisitsisorisimasavit attaveqarfiginissaanut paasissutissaq, tigoreersimassavagut kingusinnerpaamik ulloq 20. august 2019.  

Qinnuteqaat uunga nassiunneqassaaq:

KNI A/S
HR-afdelingen
Postboks 319
3911 Sisimiut
Email: jobs@kani.gl   
 

KNI A/S Kalaallit Nunaanni tamarmi 1.000-it sinnerlugit sulisoqartoq Nunatsinni niuernermik ingerlatsisut annersaraat.  Suliffeqarfissuup niuernikkut tallimanik ingerlataqartup ukiumut 2,5 mia. kr. kaaviiaartittar-pai.

Tamannalu ingerlanneqarpoq ulluinnarni nioqqutissanik atortussanillu nioqquteqarnikkut, ikummatis-saqartitsinikkut, toqoraaveqarnikkut, illoqarfinni nunaqarfinnilu nioqqutinik quersuarniit tuniniaanikkut, mittarfeqarfitsigut nittartakkakkullu tuniniaanikkut.

KNI pillugu paasisaqarnerorusukkuit www.kni.gl-mut iserlutit paasisassarsiorsinnaavutit.

KNI A/S • J.M. Jensenip Aqq. 2 • 3911 Sisimiut
T +299 86 24 44 • E info@kni.gl