KNI pisiniarfinnik katillugit 65-inik ingerlatsivoq. Tunumi kitaanilu avannamut Siorapalummiit kujammut Aappilattumut Nunap Isua tikingajavillugu.

Tamatigoorneq, nutaaliaasumik pisiniarfinnik ingerlatsineq, nunaqarfik minnerpaamiik 44-nik 2-nut inulimmiik illoqarfinnut 2000-it angullugit inulinnut nioqqutissanik pilersuinerup aalajaatsuunissanik qulakkeerineq, Pilersuisup ilisarnaatigissavai.

Kiisalu Narsarsuarmi Kangerlussuarmilu akitsuuteqanngitsunik nioqquteqarneq, mittarfeqarfinni taakkunani ingerlanneqarpoq.

Pisiniarfinnik ingerlatsisutut aammalu niuernermik ingerlatsiffimmini nioqquteqartutut, niuernerpalaarneq tunngavigalugu Pilersuisup pisisartut nioqqutissanik ulluinnarsiutinik assigiinngitsunik qinigassaqartippai. Taakkununngalu aamma ilaapput nioqqutissat nutaajutillugit qerisuutinnagit tikisitat, akikilliliinerit, atisat aammalu inuussutissarsiornermut atortussat sakkussallu. 

Pisiniarfinnik ingerlatseriaaseq assigiissoq atorlugu ingerlatsineqarpoq. Taannalu ingerlatsinermi periaatsimut atorneqartunut imatut pisariaqartitsivoq

• sakkussat pigineqartut atorlugit suliffeqarfimmik ingerlatsineq
• pisisartunik sullissineq
• akinik aalajangersaanerit niuernermillu ingerlatsineq
• pisiniarfiit iluisa aaqqissugaanerat
• suliat ingerlanneqartut assigiissumik periaaseqarfigineri
• sulisut saqqumilaartut
• ataatsimoorluni angusaqarnissamik qularnaarinninneq

Piffinni pisiniarfiit innuttaasunut pitsaasumik sunniuteqarnissaat sullissinermi angusassatut siunniutaavoq.

Online: 15-06-2010