Pilersuisoq

- Nunatsinni pisiniarfeqarnermik ingerlatsisut annersaat

logo-pilersuisoq-mid.png

Nunarput tamakkerlugu pisiniarfinnik 66-inik Pilersuisumi ingerlatsivugut. Avannarlerpaamiit kujallerpaamut isorartussuseq 2.000 km-uvoq. Aamma Kangerlussuarmi mittarfimmi akitsuuteqanngitsunik nioqquteqarneq, duty-free, ingerlapparput. 

Nioqqutissat sumiiffinnut tamanut, aamma nunaqarfinnut minnerpaanut, anngunnissaat qularnaartarparput. Sikuunerata nalaani illoqarfiit nunaqarfiillu tikikkuminaattarput. Taamaattumik nunarsuup ilaani allami nalinginnaasumik isigineqartartut pilersaarusiornerit maani tamatigut atorsinnaasanngillat. Tassalu pilersaarusiorsinnaaneq immikkut ittoq aamma pisariaqartitsinermik siumut takunnissinnaassuseqarneq sulinitsinni pingaarnerpaasarput.

Sumiiffinni arlalippassuarni pisiniarfik katersuuffiit pingaarnersarisarpaat. Taamaattumik ukioq kaajallallugu nioqqutissanik pisiniarfitsinni pisiniarnissaminnut innuttaasut uatsinnut piumaffiginninnerat mikinngilaq, tassuunakkullu akisussaaffeqarneq sapinngisarput tamaat eqqortinniagaraarput. Pisiniarfimmik ingerlatsinerup saniatigut kiffartuussinerit arlaqartut pisiniarfimmi aamma isumagisarpagut, soorlu aningaaseriveqarneq, allakkerineq, umiarsuit tikinnissaat, timmisartulerinerit il.il..

Ullut tamaasa ukioq kaajallallugu pingaaruteqarluinnartumik isumaginnittarpugut - tamannalu tulluussimaarutigaarput.

Inuulluaqqusillunga

Niels Andersen, nan@kani.gl, pisortaq, Pilersuisoq



©Nalunngiliuk: 
Sumiiffinni Pilersuisup niuertarfeqarfiinit 66-iusunit 43-it qaammatini pingasunit sivisunerusumik sikuusartumiipput. Eqqoriarneqarsinnaasanngilaq qaqugukkut sikussanersoq, qaqugulu sikuissanersoq. Sumiiffinnit 66-iusunit 37-ini Pilersuisoq kisimiilluni niuertarfeqarpoq. 

KNI A/S • J.M. Jensenip Aqq. 2 • 3911 Sisimiut
T +299 86 24 44 • E info@kni.gl