Neqi A/S

- Nioqqutissiat mamartuliat

logo-neqi-mid.png

Uumasunik toqoraavik Neqi A/S 2013-mi 60 millioner kronit atorlugit nutarterneqarpoq ullumikkullu tassaalersimalluni toqoraavik nutaaliaalluinnartoq EU-millu akuerisaq. Nioqqutissiornermi atortut nutaaliaasut periarfissiipput nioqqutissiat assigiinngiiaarnerusut angunissaannut, pisiniarfiillu Pilersuisoq, Pisiffik aamma Brugsen peqatigalugit nutaaliortuarnissaq ingerlapparput.

Neqi A/S-ip aamma ilisarnaatigaa nioqqutissiat pitsaasuujuarnissaannut savaaqqallu neqaata mamartuliarinissaanut suliniartuarnini. Neqi A/S-imi nioqqutissiorneq saligaatsuutitsinissaq annerpaaq aallaavigalugu pisarpoq. Pitsaassuseq, orsumik akua neqillu aqitsuunera ingerlaavartumik misissorneqartarpoq Inuussutissalerinermullu nakkutilliisut tassaapput nioqqutissiornermi nakkutillissut akuersisartullu.

Septemberip qeqqaniit sapaatip akunneri 11-it missaanni uumasunik toqoraasoqarnerata nalaani Neqi A/S-imi sulisut 80-t missaannittarput, toqoraanerullu avataatigut sulisut 25-it missaanniittarlutik. Sulisut Narsameersut eqqatsinnilu najugaqarfinneersut peqataalluarlutik tunniusimallutillu suleqataanerisigut uumasunik toqoraanermi ungasinnerusoq isigalugu ineriartortitsinissaq tunngavissilluarneqarpoq. 

Inuulluaqqusillunga

Per Jensen, per@kni.gl, pisortaq, Neqi A/S



Neqi A/S-imut tunngasut allaatigisat

KNI A/S • J.M. Jensenip Aqq. 2 • 3911 Sisimiut
T +299 86 24 44 • E info@kni.gl